Aangesien die ZB200 op plekke gebruik gaan word wat aan verskillende omgewingstoestande onderwerp word, sal dit waarskynlik nodig wees om die toestel af en toe skoon te maak. Hier is ’n paar aanbevelings en riglyne om u toestel skoon te maak.
Gebruik slegs die goedgekeurde skoonmaak- en ontsmettingsmiddels wat hier onder genoem word, om skade aan die toestel te voorkom.
Volg die vervaardiger se aanwysings oor goedgekeurde skoonmaak- en ontsmettingsmiddels vir die behoorlike en veilige gebruik van die produk.
Gebruik klamlappies of ’n klam, sagte, steriele doek met die goedgekeurde middel. Moet nooit chemiese middels direk op die toestel spuit of stort nie.
Gebruik ’n klamgemakte wattestokkie om lastige dele te bereik. Sorg dat u pluisies wat van die wattestokkie afkom, verwyder.
Moenie toelaat dat vloeistof op die toestel opdam nie.
Maak skoon en heeltemal droog by kamertemperatuur voor gebruik. Indien die produk aan verhoogde temperature blootgestel word voordat dit droog is, kan dit produkskade veroorsaak.
Om chemiese middels te kombineer, kan gevaarlik wees vir beide die gebruiker en die toestel. Volg altyd die veiligheidsinstruksies wat deur die vervaardiger verskaf word, asook Zebra se skoonmaak- en ontsmettingsriglyne.
Indien niegoedgekeurde skoonmaakmiddels of ontsmettingsmiddels gebruik word, of die aanbevole skoonmaakriglyne nie gevolg word nie, kan dit skade aan die produk tot gevolg hê en die waarborg ongeldig maak.
